Në vijim të bashkëpunimit institucional dhe në funksion të përgatitjes për procesin e akreditimit, ASCAL organizoi një trajnim të dedikuar me Grupin e Vlerësimit të Brendshëm të Universitetit Europian të Tiranës, me qëllim rritjen e kapaciteteve profesionale për hartimin e raportit të vetëvlerësimit dhe strukturimin e dokumentacionit mbështetës.

Trajnimi u fokusua në interpretimin e standardeve dhe treguesve përkatës, në saktësimin e kërkesave proceduriale të parashikuara në legjislacionin në fuqi dhe në Manualin e Procedurave, si dhe në orientimin praktik për hartimin e një raporti vetëvlerësimi të qartë, të argumentuar dhe të mbështetur në evidenca të verifikueshme.

Gjatë diskutimeve u theksua domosdoshmëria e përputhshmërisë ndërmjet dokumentacionit të paraqitur dhe funksionimit real të proceseve akademike e administrative në institucion.