KËSHILLI I AKREDITIMIT
VENDIM
Nr. 223 datë 29.07.2011

Programi i Studimit i Ciklit të Dytë që përfundon me Master Profesional (MP) në:
1. E DREJTË E BIZNESIT TË BE
Këshilli i Akreditimit, pasi shqyrtoi propozimin për Programin e Ri të Studimit Master Profesional, të kërkuar nga Universiteti i Tiranës, Fakulteti Juridik, bazuar në raportet e vlerësimit teknik dhe në përmbajtje, raportimin e Agjencisë Publike të Akreditimit të Arsimit të Lartë për procedurën e vlerësimit dhe respektimin e kritereve, bazuar në standardet shtetërore të cilësisë, arrin në këtë përfundim:
1. Përmbajtja e Programit të Ri të Studimit, MP në “E Drejtë e Biznesit të BE”, përmbush standardet e cilësisë dhe për këtë arsye jep vlerësimin Pozitiv, me rekomandimin: Të rishikohet plani mësimor me qëllim që orët në auditor në një vit akademik të jenë në përputhje me kriterin 600-750 të Udhëzimit të MASh.
Këshilli i Akreditimit, bazuar në kompetencën që i jep Ligji Nr 9741, datë 21.5.2007, Për Arsimin e Lartë në Republikën e Shqipërisë, i ndryshuar, VKM Nr. 303, datë 1.7.1999, për Krijimin e Sistemit të Akreditimit në Arsimin e Lartë, i rekomandon Ministrit të Arsimit dhe të Shkencës:
Programi i Studimit: Master Profesional në E Drejtë e Biznesit të BE të hapet
KËSHILLI i AKREDITIMIT
Bardhyl MUSAI Kryetar __________________________
Anila HODA Nën/Kryetar __________________________
Gëzim HADAJ Anëtar __________________________
Emil LAMANI Anëtar __________________________
Vladimir NIKA Anëtar __________________________
Shyqyri LLACI Anëtar __________________________
Edlira LATE Anëtar __________________________
Ilir BOZGO Anëtar __________________________
Qamil DIKA Anëtar __________________________
Z. Emil Lamani dhe Z. Vladimir Nika nuk ishin të pranishëm në këtë mbledhje.