Këshilli i Akreditimit, bazuar në Ligjin Nr. 9741, datë 21.05.2007, “Për Arsimin e lartë në Republikën e Shqipërisë” i ndryshuar, Vendimin e Këshillit të Ministrave Nr. 424, datë 02.06.2010 “Për miratimin e rregullores për sistemin e akreditimit, organizimin dhe veprimtarinë e institucioneve të sigurimit të jashtëm të cilësisë” i ndryshuar dhe mbështetur në procedurën e ndjekur nga APAAL, në raportet e vlerësimit të brendshëm dhe të jashtëm si dhe në dokumentacionin mbështetës, për programin e përbashkët të studimit me Universitetin e Ferrarë-s, Itali që përfundon me diplomë të dyfishtë në Doktoraturë në “Arkitekturë dhe Planifikim Urban” me elementët si më poshtë:
a)    Emërtimi i programit: Doktoraturë në “Arkitekturë dhe Planifikim Urban”
b)    Cikli i studimit: Cikli tretë
c)    Vendimi i hapjes/licencimit: Urdhër i Ministrit të Arsimit dhe Shkencës Nr.563, datë 19.11.2012
d)    Institucioni që e ofron: Universiteti POLIS në bashkëpunim me Universitetin e Ferrarë-s, Itali.
e)    Fakulteti përgjegjës: Shkollat Doktorale të Universitetit POLIS dhe Universitetit të Ferrarë-s, Itali
f)    Kohëzgjatja (Vite/semestra): 3 vite akademike
g)    Kredite (ECTS): 60 kredite/në vitin e parë
h)    Forma e studimi: Me kohë të plotë
i)    Gjuha e studimeve: Anglisht
j)    Statusi i diplomës: Program i përbashkët studimi me Universitetin e Ferrarë-s, Itali që përfundon me diplomë të dyfishtë në Doktoraturë në “Arkitekturë dhe Planifikim Urban”



1.    Program i përbashkët i studimit midis Universitetit POLIS dhe Universitetit të Ferrarë-s, Itali që përfundon me diplomë të dyfishtë në Doktoraturë në “Arkitekturë dhe Planifikim Urban” i përmbush plotësisht “Standardet shtetërore të cilësisë” për akreditimin e programit të studimit të ciklit të tretë dhe kërkesat ligjore akademike përkatëse në fuqi. Për këtë arsye, Këshilli i Akreditimit vendos të japë vlerësimin përfundimtar pozitiv.
2.    Mbështetur në sa më sipër, Këshilli i Akreditimit i rekomandon Ministrit të Arsimit dhe Sportit që, programi i përbashkët i studimit midis Universiteti POLIS dhe Universiteti i Ferrarë-s, Itali, që përfundon me diplomë të dyfishtë në Doktoraturë në “Arkitekturë dhe Planifikim Urban” me elementët e mësipërm, të akreditohet.